-
İslam Dövləti (İD) silahlı qruplaşması 3 nəfəri Suriyanın Palmira şəhərində edam edib. Həmin şəxsləri Palmiradakı 3 tarixi sütuna bağlayıb və partladıb. Xəbəri oktyabrın 26-da Suriya İnsan Haqlarını Müşahidə Təşkilatı yayıb.
Qurumun rəhbəri Rami Abdel Rahman deyib ki, həmin 3 nəfər elə Palmira ərazisindən olub.
İD yerli sakinlərə edam olunanların kimliyi, edam səbəbləri barədə məlumat verməyib. Heç kəs də əraziyə buraxılmayıb.
Palmiradan fəal Mohammad al-Ayed Frans Presə deyib ki, həmin sütunlar “arxeolojidir və Palmirada xeyli sayda belə sütun var”.
İD daha öncə İraq və Suriyada qədim abidələri dağıdıb.