İslam Dövləti qrupu 2014-cü ildə İraqın Mosul şəhərini zəbt etdikdən bu yana azı 13 jurnalist və KİV nümayəndəsini edam edib.
Bu barədə “Sərhədsiz Reportyorlar” təşkilatının hesabatında bildirilir.
Hesabatda bildirilir ki, son 16 ay ərzində Mosulda oğurlanan 48 jurnalistən azı 10-nun taleyi bəlli deyil.
Hesabatda bu şəhərdə müstəqil informasiya fəaliyyəti olmadığı və repressiyadan qaçmaq üçün bütün jurnalistlərin işi dayandırdığı bildirilir.
Hazırda şəhərdəki yerli teleradio stansiyası İslam Dövləti qrupunun əlindədir.