19 yaşadək futbolçulardan ibarət Azərbaycan millisi noyabrın 10-da Avropa çempionatının seçmə mərhələsində Ukrayna ilə qarşılaşır.
Oyun CBC Sport televiziya kanalı və affa.az saytında canlı yayımlanacaq.
AFFA-nın məlumatına görə, qrupun son turunda iki qarşılaşma eyni vaxtda başladığından Azərbaycan yığmasının oyunu canlı, digər görüşünsə videoyazı göstəriləcək.
"Bayıl Arena"da keçirilən Azərbaycan-Ukrayna görüşü Bakı vaxtı ilə saat 18:00-da başlayır.
5-ci qrupun digər oyununda isə Türkiyə və Bosniya-Hersoqovina milliləri üz-üzə gəlir.