Rusiyanın Leninqrad vilayətinin Tosnensk rayonunda azərbaycanlını öldürməkdə şübhəli bilinən şəxs saxlanılıb.
APA-nın məlumata görə, 29 yaşlı şəxs avqustun 24-də 47 yaşlı azərbaycanlını öldürməkdə şübhəli bilinir.
Avqustun 24-də Leninqrad vilayətindəki xəstəxanaların birinə ağır vəziyyətdə xarici gətirilib və qəbul otağındaca ölüb.
Polisin məlumatına görə, naməlum adamlar azərbaycanlını güclə maşına oturdaraq meşəyə aparıb, onu orada amansızcasına döyərək meşəyə atıblar.
Onlardan biri saxlanılıb, qalanlarının axtarışı davam etdirilir.