-
Dırmanmanın boldrinq növü üzrə keçirilən açıq respublika çempionatı başa çatıb.
Çempionatda 32 komandanın tərkibində 100-dən çox idmançı üç mərhələdə (təsnifat, yarımfinal, final) mübarizə aparıb.
Xəbəri Azərbaycan Hava və Ekstremal İdman Növləri Federasiyası yayıb.
Oğlanların yarışında Gəray Əliyev və Rinat Rəhimxanov, qızların mübarizəsində isə Şəms Quliyeva və Sima Səfərova qalib adını qazanıblar. Komanda hesabında isə FAİREX-in “Qafqaz”, “Gömrükçü” və “Şəki A.M.A” kollektivləri ilk üç yerdə qərarlaşıblar.