Latviyanın iqtisadiyyat naziri Dana Reysniese Ozola yaxın günlərdə Azərbaycana səfərə gələcək.
Bu barədə APA agentliyi Latviyanın İnvestisiya və İnkişaf Agentliyinin baş direktoru Andris Ozolsa istinadla xəbər verir.
O bildirib ki, noyabrın 24-də Azərbaycanda Latviya Günləri başlayacaq. Tədbir zamanı Latviya məhsulların sərgisi keçiriləcək və satışı təşkil ediləcək.
Bundan başqa, Heydər Əliyev sarayında latviyalı rəssamların sərgisi keçiriləcək. Sərgidə Latviyanın məşhur rəssamlarının əsərləri nümayiş olunacaq.