Azərbaycanda həbsxanada ölüm hadisəsi qeydə alınıb.
Hüquq müdafiəçisi Eldar Zeynalovun APA-ya verdiyi məlumata görə, Qobustan həbsxanasında cəza çəkən ömürlük məhbus Səyavuş Atakişiyev noyabrın 15-də ölüb.
Ədliyyə Nazirliyi Tibb Baş İdarəsinin rəis müavini İftixar Qurbanov APA-ya açıqlamasında faktı təsdiqləyib.
Onun sözlərinə görə Səyavuş Atakişiyev ürək xəstəliyindən əziyyət çəkirmiş, noyabrın 15-i axşam saatlarında kamerada vəziyyəti pisləşib və dünyasını dəyişib.
Səyavuş Atakişiyev 1992-ci ildə ölüm hökmünə məhum edilib.
Amma 1998-ci ildə Azərbaycanda ölüm hökmü ləğv edildiyindən cəzası ömürlük həbslə əvəz olunub.