-
Cənubi Koreya gələn həftə sərhəddə yüksək səviyyəli danışıqlara dair Pxenyanın təklifini qəbul edib.
Cənubi Koreya rəsmiləri noyabrın 20-də bildirib ki, məqsəd iki Koreya arasında daha yüksək səviyyəli danışıqlara hazırlaşmaqdır.
Daha öncə Pxenyanın KCNA agentliyi xəbər yayıb ki, noyabrın 26-da sərhəddəki Panmunjom kəndində danışıqlar keçirilsin.
İki ölkə avqustda razılaşıb ki, yüksək səviyyəli danışıqları bərpa etsin. Bu danışıqlar baş tutsa, yayda sərhəddə yaranmış gərginlikdən sonra ilk hökumət səviyyəli görüş olacaq.
Avqust razılaşmasından sonra, ötən ay 1950-53-cü illər Koreya müharibəsi zamanı ayrılmış ailələr görüşə bilib.