-
Türkiyənin baş naziri Ahmet Davutoglu-nun Azərbaycana səfərinin vaxtı və proqramı məlum olub.
Türkiyənin Azərbaycandakı səfirliyindən APA informasiya agentliyinə verilən məlumata görə, baş nazir dekabrın 3-də günorta saatlarında Azərbaycana gələcək. O, həmin gün Azərbaycan prezidenti İlham Əliyev və baş nazir Artur Rasizadə ilə görüşəcək. Növbəti gün Davutoglu-nun ADA Universitetində çıxışı planlaşdırılır.
Türkiyə baş nazirinin Azərbaycan səfəri dekabrın 4-də başa çatacaq.