Rusiyanın İstintaq Komitəsi Mikhail Khodorkovsky-yə qarşı rəsmi ittiham irəli sürüb.
O Nefteyuqanskın keçmiş meri Vladimir Petukhovun qətlinin təşkilində ittiham olunur.
Bu barədə dekabrın 11-də komitənin mətbuat xidməti xəbər yayıb.
İstintaqın gəldiyi nəticəyə görə Petukhovun fəaliyyəti Khodorkovskynin rəhbərlik etdiyi YUKOS şirkətinin maraqları ilə düz gəlmədiyinə görə onun öldürülməsini məhz Khodorkovsky verib.
Petukhov 1998-ci ildə öldürülüb.
Dekabrın 8-də ifadə vermək üçün Khadarkovsky-yə İstintaq Komitəsindən məktub gəlib.
Khodorkovsky istintaqa getmək fikrində olmadığını bəyan edib.
YUKOS neft şirkətinin keçmiş rəhbəri Khodorkovsky 2003-cü ildə həbs olunub və maliyyə cinayətlərində təqsirli bilinərək həbsə atılıb.
2013-cü ildə əfv edilib və hazırda Avropada mühacirətdə yaşayır. Putinin əsas tənqidçilərindən olan Khodarkovsky “Açıq Rusiya” adlı hərəkat yaradıb.
O bu günlərdə Londonda keçirdiyi mətbuat konfransında bəyan edib ki, prezident Vladimir Putin ölkədə konstitusiyaya qarşı çevriliş edib və demokratiya və hüquqi dövlətə dönmək üçün inqilab lazımdır.