-
Rusiyanın Rostov vilayətinin Donetsk şəhər məhkəməsi ukraynalı pilot Nadejda Savchenko-nun həbs müddətini gələn il aprelin 16-dək uzadıb. Məhkəmə prokurorluğun iddiasını təmin edib.
Savchenko buna etiraz olaraq, dekabrın 18-dən aclığa başlayacağını deyib. O, dərhal buraxılmasını tələb edir.
Savchenko iki rusiyalı jurnalistin ölümünə yardım etməkdə, eləcə də Rusiya sərhədini qanunsuz keçməkdə ittiham olunur. O isə bütün ittihamları rədd edir, Ukraynanın şərqində separatçılar tərəfindən saxlandığını bildirir.