-
Kenya polisi bildirir ki, Mauritiusdan Parisə uçan Air France təyyarəsi Kenyada fövqəladə eniş edib. Səbəb təyyarədə şübhəli bağlamanın tapılmasıdır.
Polisin sözçüsü Charles Owino dekabrın 20-də bildirib ki, Charles de Gaulle aeroportuna istiqamət qalmış Boeing 777-də 459 sərnişin və 14 heyət üzvü olub. Pilotlar saat 12:37-də Moi aeroportuna fövqəladə eniş istəyiblər.
Bütün sərnişinlər salamat çıxarılıb.
Bomba olmasından şübhələndikləri bağlama tualetdə tapılıb.
Bomba ekspertləri çağrılıb, onlar bağlamanın partlayıcı olub-olmadığını müəyyənləşdirirlər.