-
Rusiya prezidenti Vladimir Putin deyir ki, Ukraynanın cənub-şərqində yaşayan rusiyalıları Ukrayna “millətçiləri”nin qarşısında tək qoymayacaq.
Putin bunları dekabrın 20-də yayımlanan sənədli filmdə dilə gətirib.
Moskva bildirir ki, Ukrayna millətçiləri etnik ruslara və regionda rusca danışan ukraynalılara təhlükə yaradır.
Ötən ilin aprelindən bəri Ukraynanın şərqində hərbçilərlə rusiyapərəst separatçıların döyüşlərində 9 mindən çox insan həlak olub.
“Ancaq bir mövqedən çıxış edirik, ölkənin cənub-şərqində yaşayanları millətçilərin ağzına buraxa bilmərik”, Putin deyib. O, rusiyalı əsgərlərin münaqişədə iştirakını da yalan adlandırıb.
Ancaq Putin dekabrın 18-də demişdi ki, Ukraynanın şərqində Rusiyanın heyəti var və onlar müəyyən hərbi tapşırıqlar yerinə yetirirlər.