Roma papası Francis Milad bayramı ilə bağlı çıxışında miqrantlara həmrəy olmağa çağırıb və onlara sığınacaq verənləri alqışlayıb.”Qoy Allah miqrant və qaçqınları qəbul edən, onlara yardım və səxavət göstərən ayrı-ayrı insanlar və dövlətlərə bunun əvəzini versin”.
Papa Francis İsa peyğəmbərin doğum günü münasibəti ilə Romadakı müqəddəs Piter kilsəsində çıxış edib.
BMT-nin qaçqınlar üzrə idarəsi və Beynəlxalq Miqrasiya Təşkilatının bu günlərdə yaydığı hesabata görə, bu il Avropa Birliyi ölkələrinə 1 milyondan çox qaçqın gəlib, 3600 qaçqın isə dənizdə itkin düşüb.
Roma papası həmçinin BMT-nin Suriya və Liviya münaqişələrinin həllində səylərini dəstəkləyib.
Papa bir daha Yaxın Şərq,Afrika və digər münaqişə bölgələrində sülhə çağırıb.