-
Ukraynada prezident administrasiyasının əməkdaşlarını “Hakimiyyətin təmizlənməsi” qanununa əsasən yoxlayacaqlar. Gələn ilin iyununda başlanacaq lüstrasiya yoxlamasından mətbuat katibi, prezidentin köməkçiləri, müşavirləri, təmsilçiləri keçəcək. Prezident Petro Poroshenko-nun bu barədə qərarı prezidentin saytında dərc olunub.
Qanun ötən il oktyabrın 16-da qüvvəyə minib, prezident Viktor Yanukovich rejimində və ya kommunist partiyasında, KQB sistemində çalışmış şəxslərin yüksək vəzifə tutmasını qadağan edir.
Həmin qanun Ali Rada tərəfindən qəbul olunandan sonra baş nazir Arseniy Yatsenyuk deyib ki, sənəd milyona yaxın şəxsə təsirini göstərəcək. Artıq bu ilin sentyabrında lüstrasiya qanununa əsasən 700-dək şəxs işdən çıxarılıb.