-
Əfqan rəsmiləri bildirir ki, ölkənin şimalında Hindistan konsulluğunun mühasirəsi sona çatıb, bütün hücumçular öldürülüb.
Balx vilayətinin valisi Atta Mohammad Noor paytaxt Məzari Şərifdə əməliyyatı koordinasiya edirdi. O, yanvarın 4-də gecə facebook-da məlumat yayıb.
Polis rəisi Sayed Kamal Sadat da 25 saatlıq təmizləmə əməliyyatının başa çatdığını təsdiqləyib. 4 silahlı öldürülüb.
Azı 2 əfqan təhlükəsizlik işçisi də həlak olub. Üç dinc sakin və altı əsgərin yaralandığı bildirilir.
Hücuma görə məsuliyyəti üzərinə götürən olmayıb.