Parisdə polis məntəqəsinə hücum edən öldürülmüş şəxsin üstündə “İslam Dövləti” qrupunun nişanı olub.
Bu barədə Paris prokurorluğu məlumat yayıb.
Önun üstündən bu qrupun bayrağı olan vərəqə və mobil telefon tapılıb.
O yanvarın 7-də Parisdə polis məntəqəsinə hücum etmək istəyərkən güllələnib.
Daxili işlər nazirliyinin məlumatına görə, o hücum edərkən “Allahu Əkbər” qışqırırmış, əlində mətbəx bıçağı var imiş.
Qeyd edək ki, bu həftə Fransada ötən il yanvarın 7-də satirik “Charlie Hebdo” jurnalına edilmiş hücum və bundan sonra törədilən digər hücumlarda ölən 17 nəfərin xatirəsi anılır.
Qeyd edək ki, Paris hücumlarına görə cavabdehliyi “İslam Dövləti” qrupu üzərinə götürüb.