-
Yanvarın 10-da Fransa paytaxtı Parisdə ötən ilki terror hücumlarında həlak olmuş 150 nəfərin xatirəsi yad edilib.
Prezident Francois Hollande və Parisin meri Anne Hidalgo terror qurbanlarının xatirəsinə ucaldılmış lövhənin açılışını edib.
Bu mərasim ötən ilin əvvəlində Charlie Hebdo satirik qəzetinin redaksiyasına və yəhudi marketinə hücumların ildönümündə keçirilib. Ötən ilin noyabrında törədilmiş hücumlarda isə 130 nəfər həlak olub.
Hücumlara görə məsuliyyəti İslam Dövləti yaraqlı qrupu üzərinə götürüb. Fransada o vaxtdan sərt təhlükəsizlik tədbirləri görülüb.