-
Türkiyədə məhkəmə 10 suriyalıya həbs cəzası kəsib. Onlar ötən həftə İstanbulda 10 almanı öldürmüş intiharçı ilə əlaqəli olmaqda şübhəli bilinir. Həmin 10 Suriya vətəndaşı İslam Dövləti silahlı qruplaşmasına üzvlükdə ittiham edilir. Daha altı nəfərsə zaminə buraxılıb.
Rəsmilər Səudiyyədə doğulmuş suriyalı intiharçının da İD qruplaşmasının üzvü olduğunu bildirir.
Hücuma görə məsuliyyəti üzərinə götürən olmayıb.
Yanvarın 12-də İstanbulun mərkəzində, Sultanəhməd meydanında 10 alman turist öldürülüb, 17 nəfər yaralanıb.