-
Yanvarın 20-də erkən seçki tələb edən onlarla etirazçı Moldovada parlament binasına girib. Bu, parlamentin avropapərəst hökuməti təsdiqləməsindəm sonra baş verib.
Canlı yayımda binanın girişində Moldovanın bayraqlarını yelləyən etirazçılar görünür. Ancaq polis onların qarşısını ala bilib.
Elə səsvermə vaxtı da polis yüzlərlə etirazçının qarşısını kəsməli olub. Bəziləri “Oğrular!”, “Səsverməni dayandırın!” şüarları səsləndirib.
Yeni hökumətə 49 yaşlı, hakim Demokratik Partiyanın sədr müavini Pavel Filip başçılıq edir.
Öncəki hökumət bank qalmaqalına görə buraxılandan sonra yeni baş naziri təsdiqləmək cəhdləri iki dəfə alınmayıb.