Rejissor və əməkdar incəsənət xadimi Fikrət Əliyevin oğlu Rəşad Əliyev itkin düşüb.
Bu barədə APA-ya Rəşad Əliyevin həyat yoldaşı İlahə Əliyeva məlumat verib.
Onun sözlərinə görə, Rəşad Əliyev yanvarın 25-də səhər saatlarında evdən çıxıb, geri qayıtmayıb: “Telefonu söndürülüb, heç bir xəbər yoxdur. İş yeri ilə əlaqə saxlamışıq, deyiblər, işə də gəlmir. Polisə məlumat vermişik, axtarış aparılır. Sabah cinayət işi açılacağı gözlənilir”, deyə o bildirib.
İlahə Əliyeva deyir ki, həyat yoldaşı ilə bağlı heç vaxt belə narahatlıq olmayıb, amma axır vaxtlar fikirli olurdu.
Rəşad Əliyev İctimai Televiziyada quruluşçu rejissor işləyir.