-
Donanma təlimi zamanı ABŞ təyyarədaşıyanı üzərindən İranın kəşfiyyat dronu uçub. Bu barədə İran Dövlət Televiziyası məlumat yayıb.
Yanvarın 29-da verilən məlumatda bildirilir ki, qurğu gəminin fotolarını çəkib, ancaq detallar açıqlanmır.
ABŞ tərəfdən hələlik xəbərə reaksiya verilməyib.
USS Harry S. Truman gəmisi Körfəzdədir, İraq və Suriyada İslam Dövləti (İD) ekstremist qruplaşmasına qarşı əməliyyatları dəstəkləyir.
İran bu həftənin əvvəlində Hörmüz boğazında donanma təliminə başlayıb.