Qazaxıstanda sosial ədavəti qızışdırmaq ittihamı ilə həbsə atılan hüquq müdafiəçi üzr istədikdən sonra buraxılıb.
Serikzhan Mambetalin və həmkarı Ermek Narymbaev yanvarın 22-də 2-3 il həbz cəzasına məhkum ediliblər.
Amma onların ikisi də həbslərinin siyasi motivli olduğunu deyirlər.
Mambetalin yanvarın 29-da “Feysbuk”da günahkar olduğunu, səhvinə görə üzr istədiyini və bilmədən cinayət törətdiyini yazıb.
Vəkili yanvarın 30-da AzadlıqRadiosuna onun Almaatını tərk etməmək şərti ilə azadlığa buraxıldığını deyib.
Hər iki fəal hakimiyyətin tənqidçilərindən hesab olunur.
Onlar sosial şəbəkələrdə yazdıqları fikirlərə görə ötən ilin oktyabrında saxlanmışdılar.