-
"Həbsdə olan teleaparıcı İlham Mirzəyevin ayaqları tutulub".
Bu haqda İ.Mirzəyevin vəkili Telman Abdiyev məlumat verib. Vəkilin dediyinə görə, teleaparıcının fəqərə sütununda ciddi problemlər yaranıb:
"Onu Ədliyyə Nazirliyinin Baş Tibb İdarəsinin həkim briqadası müayinə edib. İlkin tibbi yardım alan İ.Mirzəyevin müayinəsi cəzaçəkmə müəssisəsində davam etdirilir."
İ.Mirzəyev 2014-cü ildə dələduzluq ittihamı ilə həbs olunub. Nərimanov məhkəməsi teleaparıcını vətəndaşların pulunu mənimsəməkdə günahkar bilərək 4 il 6 ay müddətinə azadlıqdan məhrum edib. Apellyasiya Məhkəməsi onun cəzasını 1 il azaldıb.
Həbsindən əvvəl "Space" kanalında çalışan teleaparıcı bütün ittihamları rədd edir.