“15 ilə Rusiyada iqtisadi strukturu dəyişmək və onun neftdən aslılığına son qoymaq mümkün deyil”.
Bunu Rusiyanın baş naziri Dimitry Medvedev Münhendə Almaniyanın “Handelsblatt” qəzetinə müsahibəsində deyib: ”Məndən tez-tez soruşurlar ki, artıq neçə ildir hakimiyyətdəsiniz, prezident Putin və siz neçə ildir ki, işləyirsiz, amma iqtisadiyyatın strukturu dəyişməyib. Amma bir şeyi bilmək lazımdır ki, onu 15 ilə dəyişmək mümkün deyil, çünki o 50-60 ilə yaradılıb”-deyə Medvedev vurğulayıb.
Baş nazir qeyd edib ki, hazırda büdcənin gəlirləri neft və qazdan 45 faiz aslıdır, bu yaxınlaradək isə bu 70 faiz idi.
Medvedev deyib ki, Rusiya xaricə silah, ərzaq və sənaye məhsulları satmaqla büdcəsinin 2/3-ni xam mal ixracından azad edə bilər.
Müxalifətdə olan siyasətçi Sergei Navalny isə hesab edir ki, Medvedev bununla ölkədəki iqtisadi strukturu dəyişmək iqtidarında olmadıqlarını etiraf edir.
O bildirib ki, eləmək istəməyəndə bu, 115 ilə də alınmayacaq.