-
Fevralın 12-də Münhendə keçirilən Beynəlxalq Təhlükəsizlik Konfransı çərçivəsində Azərbaycanın xarici işlər naziri Elmar Məmmədyarov Kiyev meri Vitali Klitschko ilə görüşüb. Xəbəri «Report» yayıb.
Görüşdə Azərbaycan biznesinin Ukraynada, xüsusilə də Kiyevdə artırılması perspektivləri ətrafında söhbət olub.
«Biz əməli və daha fəal əməkdaşlıqda maraqlıyıq. İstəyirik ki, Azərbaycan biznesi, sərmayələri Ukraynaya gəlsin, Ukrayna biznesi də Azərbaycanda uğurla fəaliyyət göstərsin», - deyə V.Klitschko bildirib.