-
Sabiq xarici iqtisadi əlaqələr naziri Nicat Quliyev barəsində çıxarılan məhkəmə hökmlərinin ləğv edilməsi tələbi ilə Ali Məhkəməyə müraciət edib.
N.Quliyev qanunsuz silah saxlamada təqsirli sayılaraq 2013-cü ildə həbs olunub. Abşeron Məhkəməsi onu 3 il müddətinə azadlıqdan məhrum edib. Sumqayıt Apellyasiya Məhkəməsi həmin hökmü qüvvədə saxlayıb.
APA-nın xəbərinə görə, sabiq nazir Ali Məhkəməyə müraciətində barəsində olan cinayət işinin ləğv edilməsini, azadlığa buraxılmasını tələb edir.
Sabiq xarici iqtisadi əlaqələr naziri 2004-cü ilədək Abxaziya prezidentinin müşaviri olub. Həmin ildə Azərbaycana qayıdan N.Quliyev bizneslə məşğul olub. O, 2005-ci ildə dövlət çevrilişinə cəhddə ittiham olunsa da, azadlığa buraxılmışdı.
Nicat Quliyev 1993-95-ci illərdə Azərbaycanın xarici iqtisadi əlaqələr naziri olub.