-
Taliban Kabil hökuməti ilə birbaşa sülh danışıqlarına qoşulmazdan öncə ABŞ koalisiyası Əfqanıstandan çıxmalıdır. Bu barədə AzadlıqRadiosuna Əfqanıstan Talibanın Qətərdəki ofisindən məlumat verilib.
Dörd ölkə təmsilçiləri fevralın 23-də bildiriblər ki, danışıqların martın birinci həftəsində İslamabadda baş tutacağını gözləyirlər. Əfqanıstan, Pakistan, Çin və Birləşmiş Ştatlar təmsilçiləri Kabildə görüşüblər.
Talibanın Qətər ofisinin sözçüsü Mohammad Naim həmin gün axşam deyib ki, Taliban “danışıqlar planından xəbərsizdir” və sülh prosesi üçün ilkin şərtləri dəyişməyib.