-
İranda ötən oktyabrda saxlanmış biznesmenin 80 yaşlı atası da həbs olunub. Bu barədə ailəsi facebook-da məlumat yayıb.
Baqer Namazi İran-Amerika vətəndaşı olan Siamak Namazi-nin atasıdır. Fevralın 22-də Tehranın Evin həbsxanasına aparılıb. Oğlu da elə həmin həbsxanada saxlanır. Məlumatı Baqer Namazi-nin həyat yoldaşı Effie Namazi açıqlayıb.
ABŞ Dövlət Departamentinin sözçüsü Mark Toner Azad Avropa/AzadlıqRadiosuna elektron məktubda yazıb ki, İranda ABŞ vətəndaşının saxlanmasından xəbərdardırlar. “Dövlət Departamenti xaricdəki ABŞ vətəndaşlarının qorunmasına böyük önəm verir”, yazan Toner əlavə məlumat açıqlamayacağını bildirib.
Baqer və Siamak Namazi-nin həbs səbəbləri və onlara qarşı ittihamlar bəlli deyil.