Bağdaddakı şiə məscidində törədilən 2 partlayışda azı 15 nəfər ölüb, 50 nəfərsə xəsarət alıb.
Bu barədə fevralın 25-də Reuters agentliyi yerli həkimlərə istinadla məlumat verir.
Partlayışlar Bağdadın əsasən şiələrin yaşayan Sulaa rayonunda tərədilib.
Polisin məlumatına görə, partlayışları 2 intiharçı törədib.
Onlardan biri məscidin icində partlayıcı kəməri işə salıb.
Təhlükəsizlik qüvvələri hadisə yerinə gələndə isə ikinci partlayış törədilib.
Ölənlərdən 4-ü təhlükəsizlik xidmətinin əməkdaşlarıdır.