-
“Hazırda Avropa ölkələri Rusiya qazından asılıdır. Rusiya isə bundan siyasi məqsədləri üçün istifadə etməyə çalışır”.
Report-un xəbərinə görə, jurnalistlərə açıqlamasında ABŞ Dövlət Departamentinin beynəlxalq enerji məsələləri üzrə xüsusi nümayəndəsi Amos Hokştayn belə deyib.
A.Hokştayn bildirib ki, ABŞ-ın Avropa ölkələrinə maye qaz satması onların vahid enerji təminatçısının asılılığına qarşı olduğunu göstəricisidir:
“Biz istəyirik ki, Avropanın enerji təhlükəsizliyi təmin olunsun. İstəmirik ki, Avropa vahid enerji təminatçısından asılı olsun və həmin təminatçı da bundan siyasi məqsədlər üçün istifadə etsin" - deyə A.Hokştayn vurğulayıb.
Amos Hochstein-in Bakıda keçirilən «Cənub Qaz Dəhlizi» Məşvərət Şurası çərçivəsində nazirlərin ikinci toplantısında iştirak edib.
«Cənub Qaz Dəhlizi» «Şahdəniz-2» çərçivəsində hasil edilən qazın 3500 kilometr məsafə qət edərək Xəzər dənizindən Avropaya nəqlini nəzərdə tutur.