Putin əsas hərbi qüvvələri Suriyadan çıxarır

Rusiya prezidenti Vladimir Putin bazar ertəsi Suriyadakı əsas hərbi qüvvələrin çıxarılmasını göstəriş verib.

Putin Rusiyanın Suriyaya hərbi müdaxiləsinin müəyyən dərəcədə məqsədinə çatdığını vurğulayıb.

Prezident bunu martın 14-də Kremldə müdafiə və xarici işlər nazirləri ilə görüşdə bildirib.

Putin deyib ki, martın 15-dən ordunun çıxarılmasına başlanılmalıdır.

O həmçinin qeyd edib ki, Rusiya Suriya münaqişəsinə son qoyulması üçün sülh prosesində rolunu artırıb.

Kremlin sözçüsü Dimitry Peskov, Putinin telefonla bu barədə Suriya prezidenti Bashar Assada məlumat verdiyini deyir.

5 ildir ki, davam edən Suriya münaqişəsində 270 mindən çox adam ölüb.

Rusiya bu müharibədə Bashar Assadın, ABŞ və onun müttəfiqləri isə üsyançıların tərəfini saxlayır.

Hazırda Suriyada atəşkəsdir və BMT-nin vasitəçiliyi ilə mühasirədə olan bölgələrə humanitar yardım çatdırılır.

Amva atəşkəs rejimi “İslam Dövləti” qrupu və digər terrorçu təşkilatlara aid deyil.

Martın 14-də Cenevrdə Suriya ilə bağlı sülh danışıqlarının növbəti mərhələsi başlayıb.

Buna da bax:

Sizin brauzer HTML5-i dəstəkləmir

Əli Kərimlinin müşavirinə cəza istənildi

____________________________________________________________

____________________________________________________________