-
Səudiyyə Ərəbistanı və İranın futbol komandalı bu il Asiya Çempionlar Liqası çərçivəsində neytral meydanda oynayacaqlar. Səbəb ikitərəfli münasibətlərin pisləşməsidir.
Asiya Futbol Konfederasiyası bildirib ki, iki ölkə martın 15-dək qoyulmuş son tarixədək futbol klubları arasında “normal münasibətlər” qura bilməyib.
Yanvarda Səudiyyə tanınmış şiə ruhanisini edam edəndən sonra Tehrandakı Səudiyyə səfirliyinə hücum olub. Bundan sonra Ər-Riyad Tehranla münasibətləri kəsib.
Konfederasiya ölkələrə yeni meydanlar təklif etməkdən ötrü martın 25-dək vaxt verib.
Oyunlar apreldə və mayda keçirilməlidir.