-
Türkiyədə 3 akademik “terror təbliğatı”nda ittiham olunaraq saxlanıb. Onlar ölkənin kürdlər yaşayan cənub-şərqində təhlükəsizlik əməliyyatlarına son verməyə çağırmışdılar.
Polis bir britaniyalını da məhkəməyə çağıraraq dindirib.
Hökumət martın 13-də Ankarada 37 nəfərin ölümünə səbəb olmuş partlayışa görə PKK-nı günahlandırır. Ancaq hücuma görə məsuliyyəti götürən olmayıb.
Yanvarda 2 mindən artıq akademik ölkənin cənub-şərqində hərbi əməliyyatları, fövqəladə vəziyyət elan olunmasını pisləyən müraciət imzalayıb.
Bu petisiya Prezident Tayyip Erdogan-ı qəzəbləndirib, deyib ki, akademiklər “xəyanət”in bədəlini ödəyəcəklər.