-
Rusiya Prezidenti Vladimir Putin İsrailin Baş naziri Benjamin Netanyahu ilə görüşüb Yaxın Şərqdə təhlükəsizlik durumunu müzakirə edəcək.
Putin bunu Moskvada səfərdə olan İsrail Prezidenti Reuven Rivlin-ə deyib.
Martın 16-da keçirilən görüşdə Rivlin xahiş edib ki, Rusiya BMT-nin sülhməramlı missiyasının bərpasına çalışsın. Bu missiya Suriyada müharibənin uzunmüddətli həllinin bir hissəsi kimi nəzərdə tutulur.
Hazırda BMT sülhməramlıları Golan yüksəkliklərində İsrail-Suriya sərhədinə nəzarət edirlər. Rivlin onu da deyib ki, İsrail İran və ya Hezbollah döyüşçülərinin Golan-da möhkəmlənməsinə imkan verməyəcək.
İsrail Hezbollah-ı düşməni sayır. Hezbollah Suriya rejimini dəstəkləyir.
İsrail Suriya müharibəsində neytral mövqe tutsa da, Hezbollah-ın şübhəli silah transferlərinə zərbələr endirir. Suriyaya belə hücumların birində İran generalı və iki Hezbollah döyüşçüsü həlak olub.