-
Kosovo polisi martın 16-da bildirib ki, İslam Dövləti (İŞİD) silahlı qruplaşmasına üzv toplamaqda və maliyyələşdirmədə təqsirli bilinən iki nəfər saxlanıb.
F.R. adlı bir biznesmen gənc kosovalıların İŞİD-ə qoşulmasını dəstəkləyib, onlardan bəziləri İraq və Suriyada həlak olub. Polis belə deyir.
P.D. adlı ikinci şəxs isə İŞİD-ə iki üzvün cəlb olunmasında şübhəli bilinir.
Polis İŞİD-ə 300 kosovalının qoşulduğunu, 50-dən çoxunun həlak olduğunu deyir. 100-dən çox adam həbs olunub, yaxud qruplaşmayla əlaqələrinə görə dindirilir.
Yeni qanun, xarici müharibələrdə iştiraka görə 15 ilədək həbs cəzası nəzərdə tutur. Ötən həftə Kosovo məhkəməsi bir nəfərə İŞİD-ə qoşulduğuna görə 3 illik həbs kəsib.