-
Martın 20-də Bakıda yağan aramsız yağış bəzi avtomobillərin hərəkətinə problemlər yaradıb. Nərimanov rayonu ərazisində, içərisində 7 sərnişin olan 3 avtomobil yolda hərəkətsiz qalıb.
Fövqəladə Hallar Nazirliyinin məlumatına görə, suyun səviyyəsi yüksəldiyindən vətəndaşlar köməksiz vəziyyətə düşüblər. Məlumat nazirliyə çatan kimi hadisə yerinə xilasedicilər göndərilib. Xilasedicilər xüsusi texnika vasitəsi ilə avtomobilləri kənara çəkib, vətəndaşları təxliyyə ediblər. Əməliyyat saat 22:53-də başa çatıb.