-
«Azərbaycan Hava Yolları» QSC (AZAL) Heydər Əliyev Beynəlxalq Hava Limanında təhlükəsizlik tədbirlərini gücləndirib. «Trend» bu xəbəri AZAL-ın mətbuat xidmətinə istinadən yayıb.
Mətbuat xidmətinin rəhbəri P.Kəsəmənski qeyd edib ki, təhlükəsizlik tədbirləri tək Bakıda yox, regionlardakı aeroportlarda da daha sıx həyata keçirilir. Onun deməsinə görə, bu gün Brüssel aeroportunda baş vermiş terror olayından sonra bu addım atılıb.
Martın 22-də Brüssel aeroportu və metrosunda partlayışlar olub, çox sayda ölən və yaralanan var.