-
Rusiya və Finlandiya Arktika sərhədində iki keçidi müvəqqəti bağlamağa razılaşıblar. Səbəb bu il miqrant axınının güclənməsidir.
Prezidentlər Vladimir Putin və Sauli Niinisto martın 22-də bu barədə razılaşma əldə ediblər.
Salla və Raja-Jooseppi keçidləri yalnız Finlandiya, Rusiya və Belarus vətəndaşları və ailə üzvləri üçün 6 aylığa açıq olacaq.
“Məhdudiyyətin məqsədi mütəşəkkil qanunsuz immiqrasiyanı önləməkdir”, Finlandiya Prezidentinin ofisindən bildirilib.
Finlandiyanın Rusiya ilə 1340 kilometrlik sərhədi miqrantların Avropa Birliyinin pasportsuz Şengen ərazisinə keçməsindən ötrü nisbətən asan yol sayılırdı.