-
İran prezidenti Hassan Rohani martın 25-də İslamabada gedir. İranla Pakistan illərcə davam edən beynəlxalq sanksiyalardan sonra ticarət əlaqələrini genişləndirmək istəyir.
İki günlük səfər zamanı Rohani-ni 8 nazir müşayiət edəcək. 14 ildə ilk dəfədir İran rəhbəri Pakistana səfər edir.
Pakistan Xarici İşlər Nazirliyinin məlumatına görə, danışıqlarda İran təbii qazını Pakistana nəql edəcək qaz kəməri də müzakirə olunacaq. Bu kəmər layihəsi illərdir yubanır.
Pakistan, həmçinin, İrandan elektrik idxalında maraqlıdır.