Belçika polisi martın 25-də yenidən Brüsseldə reydlərə başlayıb.
Bu barədə yerli mətbuat xəbər verir.
Məlumatlara görə, martın 25-də keçirilən reyd zamanı şəhərin ətrafındakı Schaerbeek məhəlləsində partlayış səsi eşidilib.
Əməliyyat zamanı 1 nəfərin zərərsizləşdirildiyi və həbs edildiyi bildirilir.
Polis bunun Parisdə baş tutmayan terror aktı ilə bağlı olduğunu deyir.
Amma rəsmilər hələlik məsələyə münasibət bildirməyib.
Cümə gününə keçən gecə keçirilən reydlərdə isə 6 şübhəli saxlanıb.
Martın 21-də Brüsseldə törədilən 3 partlayışda 31 nəfər ölüb, 270 nəfər xəsarət alıb.