-
Nüvə Təhlükəsizliyi Sammitinə qatılmaq üçün Vaşinqtona gedən prezident İlham Əliyev martın 30-da ABŞ-ın dövlət katibi John Kerry ilə görüşəcək.
Bu haqda ABŞ Dövlət Departamentinin saytı xəbər verir.
Xəbərə görə, John Kerry ilə İlham Əliyevin görüşü yerli vaxtla saat 14:00-da (Bakı vaxtı ilə 22:00-da) başlayacaq. Görüşün yarım saat davam etməsi planlaşdırılır.
Vaşinqtonda düzənlənən Nüvə Təhlükəsizliyi Sammiti martın 31-də başlayacaq. Sammitdə dünyanın aparıcı ölkələrinin rəhbər şəxsləri iştirak edəcəklər. Prezident İlham Əliyev də sammitə dəvətlilər sırasındadır.