-
Rusiyada 22 illik cəzaya məhkum edilmiş ukraynalı pilot Nadia Savchenko quru aclığa başlayıb, su və ərzaq qəbulundan imtina edib.
Vəkili Mark Feigin aprelin 6-da bildirib ki, pilot “dərhal Ukraynaya qaytarılmasını tələb edir”.
34 yaşlı Savchenko-ya martın 22-də cəza kəsilib. O, Ukraynanın şərqində iki rusiyalı jurnalistin öldürülməsində əli olmaqda, onların yerini göstərməkdə təqsirli bilinib.
Hökmdən apellyasiya şikayəti verilməyib, Savchenko deyib ki, bu məhkəmə istintaqını qəbul etmir.