-
“Biz prezident, xarici işlər naziri və müdafiə naziri ilə görüşdük. Həm hərbi, həm də mülki vətəndaşların ölümü ilə bağlı başsağlığı verdik”.
Bunu ATƏT-in Minsk qrupunun amerikalı həmsədri Ceyms Uorlik aprelin 6-da jurnalistlərə deyib.
APA-nın xəbərinə görə, həmsədr atəşin dayandırılmasının vacibliyini vurğulayıb.
“Bakıya belə mesaj gətirdik ki, danışıqlarda irəliləyişə nail olmaq və itkilərin baş verməməsi üçün atəş dərhal dayandırılmalıdır” - deyən amerikalı həmsədri deyib ki, keçirdikləri görüşlərdə danışıqların bərpa olunması və münaqişənin davamlı həllinin vacibliyini vurğulayıblar.
ATƏT-in Minsk Qrupunun həmsədrləri bu gün Azərbaycana gəliblər. Onlar Azərbaycandan da Ermənistana getməlidirlər.