-
ABŞ-ın Corciya ştatında bir kişi 20 il öncə 19 yaşlı bir qadını güllələdiyinə görə edam olunub.
Jackson dövlət həbsxanasının direktoru Bruce Chatman bildirib ki, Kenneth Fults aprelin 12-də axşam xüsusi maddə qəbulu ilə edam edilib.
Fults 1996-cı ilin yanvarında oğurluq zamanı qonşusunu öldürdüyünü etiraf etmiş, ölüm cəzasına məhkum edilmişdi. ABŞ Ali Məhkəməsi hökmü qüvvədə saxlamışdı.
Bu, ilin əvvəlindən Corciyada dördüncü, ABŞ-da isə 12-ci edamdır.
1976-cı ildə ABŞ Ali Məhkəməsi ölüm cəzasına yenidən icazə verib. O vaxtdan ölkədə 1400-dən çox edam həyata keçirilib.