Ukrayna hərbçiləri son 24 saat ərzində ölkənin şərqində gedən atışmalarda 8 əsgərin yaralandığını deyirlər.
Ordunun sözçüsü Andrei Lysenko aprelin 13-də keçirdiyi mətbuat konfransında toqquşmaların Donetsk vilayətində baş verdiyini deyib.
O atəşkəs rejiminin azı 53 dəfə pozulduğunu bildirib.
2014-cü ilin aprelindən bu yana Ukraynanın şərqində rusiyapərəst separatçılarla Ukrayna ordusu arasında gedən döyüşlərdə 9 mindən çox adam ölüb.
Hazırda tərəflər arasında atəşkəsdir. Amma tərəflər vaxtaşırı bir-birini atəşkəs rejimini pozmaqda günahlandırır.