-
Vergilər Nazirliyinin bu ilin yanvar-mart aylarında daxilolmaları ötən ilin eyni dövrünə nisbətən azalıb.
Vergilər Nazirliyindən verilən məlumata görə, bu ilin 3 ayında onların xətti ilə dövlət büdcəsinə 1 milyard 542 milyon 401,2 min manat vəsait daxil olub.
Bu da keçən ilin analoji dövründən 58 milyon 350.8 min manat azdır.
Buna rəğmən, nazirlik proqnoz tapşırığına 101,4 faiz əməl etdiyini bildirir. Hesabat dövründə 28 min 434 vergi ödəyicisi qeydiyyata alınıb.