-
Aprelin 20-də Norveç məhkəməsi kütləvi qırğın törətmiş Anders Behring Breivik-in iddiası üzrə qərar çıxaracaq. O, həbsxana şəraitinin hüquqlarını pozduğunu iddia edir.
Breivik 2011-ci ildə paytaxt Osloda 77 nəfəri qətlə yetirib. Utoya adasında Əmək partiyasının gənclik təşkilatına məxsus yay düşərgəsində dincələnlərə atəş açmışdı.
37 yaşlı Breivik-ə 21 illik cəza kəsilib. O, hökumət və həbsxana rəsmilərini məhbəsdə ona qoyulan məhdudiyyətlərə görə məhkəməyə verib. İddia edir ki, üzərində axtarış aparılması, poçtunun yoxlanması, həbsdə təcrid “qeyri-insani” davranışdır.
Hökumət isə sərt şərtləri Breivik-in hələ də cəmiyyətə təhlükə yaratmasıyla izah edir.