-
Azərbaycan İrana Rəşt-Astara dəmir yolunun inşasını maliyyələşdirməyə 500 milyon dollarlıq kredit verəcək.
Bu barədə Trend-ə İranın rabitə və informasiya texnologiyaları naziri Mahmud Vaezi deyib. Nazirin sözlərinə görə, Qəzvin-Rəşt-Astara xətti İran və Azərbaycanın dəmir yollarını birləşdirəcək.
“İran Qəzvin-Rəşt sahəsində infrastrukturun yaradılması üzrə işin 92 fazini yerinə yetirib. Sahədə relslərin qoyulması qalıb, buna yaxın günlərdə başlayacaqlar. Qəzvin-Rəşt sahəsinin 2016-cı ilin sonuna qədər tam hazır olacağı gözlənilir”- deyə, Vaezi bildirib.
Dəmiryolunun təməl qoyma mərasimi
Rəşt-Astara sahəsi haqqında danışarkən nazir qeyd edib ki, layihənin öyrənilməsi yekunlaşıb. İran onun maliyyələşdirilməsinə hazırlaşır:
“Rəşt-Astara dəmir yolunun inşası bir milyard dollara yaxın vəsait tələb edir. Onun 0,5 milyard dollarını Azərbaycan kredit şəklində ayıracaq. Azərbaycan krediti “Şimal-Cənub” layihəsinin gerçəkləşməsini sürətləndirəcək”.
Nazir əlavə edib ki, vəsaitin qalan hissəsini İran ayıracaq. O bildirib ki, İran və Azərbaycan sərhədində - Astaraçay çayı üzərindən körpünün salınması layihələşdirilib. Azərbaycan tərəfi layihənin icrasına başlayıb.
Layihə üzrə xərclər İran və Azərbaycan arasında yarıbayarı bölünüb.
Astaraçay üzərində inşa edilən körüpünün təməli aprelin 20-də qoyulub.
Rəşt-Astaraxəttinin çəkilməsi iki ölkənin dəmir yolunun birləşdirilməsində İran tərəfdə görüləsi işlərə aiddir.