Azərbaycanda vergi amnistiyası elan oluna bilər. APA-nın xəbərinə görə, ölkə başçısı İlham Əliyevin təşəbbüsü ilə bununla bağlı müvafiq qanun layihəsi Milli Məclisə daxil olub.
Layihə sabah, dekabrın 20-si Milli Məclisin İqtisadi siyasət, sənaye və sahibkarlıq komitəsində müzakirə olunmalıdır.
Buna da bax: Məmurlara sərf etməyən amnistiya
Sənədə əsasən, vergi amnistiyası 2017-ci ilin yanvarın 1-dək vergi borcu olan hüquqi və fiziki şəxslərə şamil olunacaq.
Qeyd edilən dövrədək vergi borcu olan şəxslər 2017-ci ilin yanvar ayında borcunun 30, fevral ayında 50, mart ayında isə 70 faizini ödəyərsə, borcun qalıq hissəsi bağışlanacaq.
Buna da bax: Pinəçi: 'Yəqin, yuxarıdakılar işimizin çoxaldığını eşidiblər'
Layihənin beynəlxalq təcrübəyə əsaslanaraq hazırlandığı bildirilir.